Shqipëria ka arritur të marrë një fitore historike përballë Portugalisë në Aveiro me rezultatin 0-1. Golin e vetëm të takimit e shënoi Bekim Balaj në minutën e 52. Sulmuesi u asistua nga Odise Roshi, dhe kthesa e shkodranit ishte fantastike. Portugalia e kërkoi shumë golin duke goditur edhe shtyllën, por kuqezinjtë ishin të pathyeshëm. Momentalisht jemi në vend të parë me pikë të barabarta me Danimarkën (3). Armenia dhe Portugalia kanë nga 0 pikë. Serbia ishte pushim. Ndeshjet e ardhshme i kemi me 11 tetor, presim Danimarkën dhe me 14 tetor luajmë në Serbi.
